Ein strategaeth

Rydyn ni’n defnyddio amrywiaeth o strategaethau i sicrhau ein bod yn delio gyda’r materion sy’n bwysig i bobl ag ME. Maen nhw’n cynnwys:

• siarad â’r GIG a sefydliadau gofal cymdeithasol yn lleol ac yn genedlaethol er mwyn gwella’r driniaeth a’r gofal i bobl ag ME.

• gweithio gyda chymdeithasau a sefydliadau proffesiynol sy’n ymwneud â safonau ac arfer gorau i ddiogelu ansawdd y gofal mae pobl ag ME yn ei dderbyn.

• siarad â Gweinidogion, gwleidyddion a gweision sifil i godi materion allweddol a dylanwadu ar bolisi yn briodol.

• ymateb i ymgynghoriadau gan y Llywodraeth ac eraill.

• ffurfio cynghreiriau gyda sefydliadau eraill i wthio am newid. Mae WAMES yn aelod o Gynghrair Cyflyrau Tymor Hir Cymru a Chynghrair Niwrolegol Cymru,  Cynghrair Niwrolegol Gorllewin Cymru (WWNA), Cynghrair Grwpiau a Mudiadau Niwrolegol Sir Drefaldwyn (MANGO), Cynghrair Niwrolegol Cymru De Gorllewin (SWWNA), Cynghrair Cyflyrau Iechyd Tymor Hir De Gwynedd (SGLTCA).

• gwrando ar bobl ag ME er mwyn dod â’u profiadau i sylw’r rhai sy’n gwneud penderfyniadau fel bod negeseuon ymgyrchoedd yn cael eu henghreifftio mor bwerus â phosibl.

• cynnal arolygon o bobl ag ME, darparwyr gwasanaethau, a.y.b. i gael gwybodaeth i gefnogi’n hymgyrchoedd.

• hysbysu’r cyfryngau.